14 Fevral 2012-ci il tarixdə M.F.Axundov adına Azərbaycan Milli Kitabxanası ilə Rusiya Dövlət Kitabxanası arasında qarşılıqlı əməkdaşlığa dair Memorandum imzalanıb. İmzalanma mərasimində çıxış edən Milli Kitabxananın direktoru Kərim Tahirov , Milli Kitabxananın beynəlxalq əlaqələri haqqında tədbir iştirakçılarına məlumat verib . Artıq Milli Kitabxananın dünyanın 60-dan çox ölkəsinin milli kitabxanaları ilə əlaqələrindən danışıb.
Sonra söz alan Rusiya Dövlət Kitabxanasının baş direktoru Aleksandr Vislıy, M.F.Axundov adına Azərbaycan Milli Kitabxanası ilə Rusiya Dövlət Kitabxanası arasında bağlanmış ikitərəfli qarşılıqlı əməkdaşlıq barədə sazişin müddətinin 2011-ci ilin dekabr ayında bitdiyi üçün daha 5 il müddətinə M.F.Axundov adına Azərbaycan Milli Kitabxanası ilə tərəfdaşlıq və əməkdaşlıq haqqında saziş imzalamaq üçün Bakıya səfər etdiyini bildirdi.
Məlumat üçün bildirək ki, ümumilikdə Azərbaycan Milli Kitabxanası ilə 27 ölkənin milli kitabxanası arasında qarşılıqlı əməkdaşlıq haqqında Memorandum imzalanıb.
