Yanvarın 19-da Əmircan qəsəbəsində yerləşən Suraxanı rayon MKS-nin 5 saylı filialı S.Bəhlulzadə adına Mədəniyyət sarayı ilə birlikdə “20 Yanvar” ümumxalq hüzn günü ilə bağlı tədbir keçirmişdir.Tədbir iştirakcıları Əmircan qəsəbəsində yerləşən Suraxanı rayonunun şəhidlər xiyabanını ziyarət etmişlər.
Tədbirdə Suraxanı rayon S.Bəhlulzadə adına Mədəniyyət sarayının”Vətən” xalq instrumental calğı alətləri ansamblının üzvləri, 97 saylı orta məktəbin müəllim və şagird heyəti, qəsəbə sakinləri və digər qonaqlar iştirak edirdilər.
Tədbir şəhidlərin ruhunun bir dəqiqəlik süküt ilə yad ediməsi ilə başlamışdır. Çıxış edənlər bu hadisələrə ilk münasibətin Ümumilli lider Heydər Əliyev tərəfindən bildirildiyini dönə-dönə vurğulamışlar. Eyni zamanda şəhid ailələrinin daimə ölkə başçısı cənab İlham Əliyev tərəfindən hərtərəfli qayğı ilə əhatə olunması tədbir iştirakçılarının nəzərinə catdırılmışdır.
Tədbirin bədii hissəsində”Vətən” xalq instrumental calğı alətləri ansamblının üzvlərinin ifasında vətənpərvər lirik mahnılar səslənmişdir. 97 saylı orta məktəbin şagirdlərinin iştirakı ilə əbədi-bədii kompozisiya nümayiş etdirilmişdir. Şagirdlər “20 Yanvar” ümumxalq hüzn günü ilə bağlı şeirlər söyləmiş kiçik səhnələr göstərmişlər.
Tədbirin sonunda Suraxanı rayon MKS-nin 5 saylı filialı tərəfindən kitab sərgisi təşkil edilmişdir.
