Yanvarın 17-də Zığ qəsəbəsində yerləşən Suraxanı rayon MKS-nin 3 saylı filialı 65 saylı orta məktəblə birlikdə “20 Yanvar” ümumxalq hüzn günü ilə bağlı tədbir keçirmişdir.
Tədbirdə Suraxanı rayon İcra Hakimiyyətinin nümayəndələri, Azərbaycan yazıçılar və jurnalistlər birliyinin üzvü şairə Əzizə Ağahüseyn qızı, şairə Xalidə İlyas qızı Daşcalı, Azərbaycan radiosunun əməkdaşı Hüsniyyə xanım Quliyevə məktəbin müəllim və şagird heyəti, qəsəbə sakinləri və digər qonaqlar iştirak edirdilər.
Tədbir Azərbaycan Respublikasının dövlət himninin səsləndirilməsi ilə başlamışdır. Sonra şəhidlərin ruhu bir dəqiqəlik süküt ilə yad edilmişdir. Çıxış edənlər bu hadisələrə ilk münasibətin Ümumilli lider Heydər Əliyev tərəfindən bildirildiyini dönə-dönə vurğulamışlar. Eyni zamanda şəhid ailələrinin daimə ölkə başçısı cənab İlham Əliyev tərəfindən hərtərəfli qayğı ilə əhatə olunması tədbir iştirakçılarının nəzərinə catdırılmışdır.
Tədbirin bədii hissəsində məktəb şagirdlərinin iştirakı ilə əbədi-bədii kompozisiya nümayiş etdirilmişdir. Şagirdlər “20 Yanvar” ümumxalq hüzn günü ilə bağlı şeirlər söyləmiş kiçik səhnələr göstərmişlər.
Tədbirin sonunda məktəb şagirdlərinin rəsmlərindən ibarət sərgi təşkil edilmiş “20 Yanvar” ümumxalq hüzn günü mövzusunda yazılmış inşalar təqdim edilmişdir.
